Poem It Was A' For Our Rightfu' King

  • Poet Name : Robert Burns
  • Poem About :
  • Poem Title : It Was A' For Our Rightfu' King
Biography Poems
Here you will find the Poem It Was A' For Our Rightfu' King of poet Robert Burns

It Was A' For Our Rightfu' King

It was a' for our rightfu' king
That we left fair Scotland's strand;
It was a' for our rightfu' king
We e'er saw Irish land, my dear,
We e'er saw Irish land.

Now a' is done that men can do,
And a' is done in vain!
My love, and native land, fareweel,
For I maun cross the main, my dear,
For I maun cross the main.

He turn'd him right and round about,
Upon the Irish shore,
He gave his bridle-reins a shake,
With, Adieu for evermore, my dear,
And adieu for evermore.

The soldier frae the war returns,
And the merchant frae the main.
But I hae parted frae my love,
Never to meet again, my dear,
Never to meet again.

When day is gone and night is come,
And a' folk bound to sleep,
I think on him that's far awa
The lee-lang night, and weep, my dear,
The lee-lang night, and weep.

     

Featured Artist

Featured Artist

Mike Lonewolf Mcleod
Poetry

Had poem published
Start Facebook page"Lonewolf Poems"
Getting Small Engine Mechanic Certificate

Registered Users